Lajmet e fundit
“Dy vjet më parë, Pajtim Osmanaj, është shpërngulur nga Kosovë në New York për t’i ndjekur studimet në art”.
“Që t’i paguajë faturat, ai kishte filluar punë në një kompani ndërtimesh, si punues tjegullash”.
“Rastësisht, në fillim të këtij viti, ai përfundoi duke punuar në “560 West 24 Street në një godinë në West Chelsea”.
“I rrethuar nga galeritë e artit bashkëkohor të Nju Jorkut, ai nuk mundi të përmbahet pa e shprehur veten”.
“Ishte sikur inspirim për mua”, ka thënë Osmanaj, 25 vjeçar, i cili nuk flet edhe shumë mirë anglisht. Duke e shfrytëzuar kohën e lirë në punë, ka thënë ai, kishte vendosur, “Do ta bëj artin tim”.
“Duke i çuditur dhe mahnitur kolegët e tij të punës, Osmanaj, filloi t’i rikthente muret në piktura”.
“Pas orëve të punës dhe në pushimet e drekës, ai pikturonte mbajtëset e shkallëve, hartonte skulptura dhe i transformonte kontejnerët e mbeturinave në vepra artistike”.
Janë këto fjalët që gazeta e përditshme amerikane New York Times ka shkruar për kosovarin Pajtim Osmanaj, që po i pikturon ndërtesat e qytetit kapitalist Nju Jork.
Të gjitha përveç njërës nga pikturat janë mbuluar nga ngjyra e mureve, të apartamenteve që kushtojnë miliona dollarë.
“Pas 10 vjetësh, nëse dikur vendosë që ta gërryejë ngjyrën e murit, do të befasohet nga Piktura e Pajtimit”, ka thënë mbikëqyrësi i ndërtesës ku ka pikturuar Pajtimi.
Djaloshit artist nga Kosova, në njërën nga galeritë e artit të New York-ut do t’i mundësohet që t’i ekspozojë pikturat e tij.
Klan Kosova
