Nuk e dinte se ishte shtatzënë, lind disa orë pas vizitës tek mjeku

Një grua lindi brenda disa orësh kur zbuloi se ishte shtatzënë – pasi shkoi te mjekët me një ‘stomak me dhimbje’. Caity Mason, 25 vjeçare, nga Melburni i Australisë, u ndje keq pak javë para lindjes, pa dijeninë se ajo mbante brenda një fëmijë, transmeton Klan Kosova. Nëna nuk kishte asnjë shenjë shtatzënie, siç është rritja e madhe e barkut, as të vjellat e mëngjesit edhe pse kishte kaluar muaj pa perioda. Ajo e kuptoi se ishte shtatzënë vetëm pasi shkoi te mjeku me dhimbje barku më 21 janar, kur asaj iu tha se ishte në javën e 35-të të shtatzënisë. Mason u dërgua me shpejtësi në spital ku edhe lindi Flynn. Ajo tha për The Sunday Project: “Nuk kaluan as 24 orë. Isha e tronditur. Më thanë që isha shtatzënë dhe atë mëngjes linda”. Ajo shtoi se pak para lindjes ajo po pinte alkool dhe më pas pranoi se kjo gjë nuk ishte e duhura gjatë shtatzënisë. Nëna i tha babait të Flynn për lindjen e tij dhe ai vendosi të mos jetë pjesë e jetës së fëmijës, raporton Mail Online, transmeton Klan Kosova.