Lajmet e fundit
Ai ka lindur me deformim në qafë dhe nënës së tij i kishin thënë mjekët që ai nuk do të mund të jetonte. Por, Claudio Vera de Oliveria ka thyer çdo parashikim optimist të mjekëve dhe tani e ka shkruar një libër për të treguar se si ishin 40 vitet e jetës së tij. Oliveria nga Monte Santo në Brazil, ka lindur me arthrogryposis, një gjendje e rrallë që i bënë bashkë nyjet. Por, pasi mësoi se si të përdorë gojën për të shkruar, ai u mësua me gjithë këto vështirësi që i sjell sëmundja e rrallë. Tani, Oliveria e ka publikuar librin e tij të parë të quajtur “Bota e kthyer prapa”.
Pavarësia e tij bëri që ai të mbarojë me sukses shkollimin madje është diplomuar në Universitetin shtetëror të Feira de Santa.
Nëna e tij shprehet se ai gjithmonë ka dashur që të bëjë gjërat që i bëjnë gjithë njerëzit me gjendje fizike normale.
“Kjo është arsye pse ai ka kaq vetëbesim. Ai nuk ka turp për të ecur në rrugë – ai këndon e vallëzon”, u shpreh Vieira Martins.
Si tetë vjeçar, Oliveria, filloi të ecë me gjunjë e familja e tij u detyrua që të ndryshojë dyshemenë e shtëpisë në mënyrë që ai të ecë e të mos lëndohet.
Ai nuk mund të përdorte karrigen me rrota për shkak të formës jo të zakonshme trupore, që ia bënte edhe më të vështirë pavarësinë nga shtëpia – por ai i kishte bërë lutje nënës së tij që ta lejonte të shkonte në shkollë si gjithë fëmijët e tjerë.
“Përgjatë gjithë këtyre viteve unë jam mësuar që botës të ia përshtati trupin tim. Tani, unë nuk e shoh veten ndryshe nga të tjerët. Unë jam njeri normal”, u shpreh Oliveria.
