Një Putin prej çokollate (VIDEO)

Artisti rus, Nikita Gusev, ka realizuar një skultpurë të Presidentit rus Vladimir Putin – të bërë të tërin nga çokollata. Këtë gjë e ka bërë për shkak të Festivalit të Çokollatës që do të fillojë të shtunën në Shën Petersburg, transmeton Klan Kosova. Kjo nuk është hera e parë që Gusev realizon një skulpturë prej çokollate, ai më parë e ka realizuar edhe Joseph Stalin si dhe portretin e pop ikonës Michael Jackson. Ai shprehet se Putini ka personalitetin perfekt që të personifikohet në një statujë prej çokollate. “Në njërën anë çokollata mund të jetë e butë kurse në anën tjetër mund të jetë e fortë”. “Është shumë fleksibile dhe mund të formojë çfarëdo forme”. “Mendoj që çokollata është produkti i vetëm që i shkon për shtati Putinit, sepse ai është njëlloj sikurse çokollata, sepse në disa situata mund të jetë i butë e në disa të tjera i fortë”, është shprehur Gusev. Për ta realizuar “Putinin” janë përdorur rreth 70 kilogramë çokollatë, dhe kjo statujë nuk guxon të preket e as të tentohet që të shijohet. Natyrisht kjo rregullore nuk vlen për Putinin, sepse vetëm Presidenti rus është i lejohet që ta hajë statujën e tij prej çokollate. https://www.youtube.com/watch?v=zHwsNS6vsP4