Një paciente u lëndua rëndë nga lodra seksuale gjatë MRI

Një paciente ka pësuar lëndime të rënda pasi ka lënë një lodër seksuale të futur në rektum gjatë një procedure mjekësore. Lodra ishte brenda trupit të pacientes britanike, gjatë një skanimi të rregullt MRI, duke shkaktuar një reaksion të rrezikshëm midis magneteve të fuqishme dhe pjesëve metalike të lodrës, transmeton klankosova.tv. Sipas një imazhi të tmerrshëm të skanimit, rezultati ishte që objekti u tërhoq lart përmes trupit të pacientit, duke rrezikuar dëmtime të organeve dhe indeve përgjatë rrugës. Imazhet sipas mail online, që qarkullojnë në rrjetet sociale dhe janë parë miliona herë tregojnë objektin e ngulitur brenda trupit të pacientit. Postimi detajoi si forcat magnetike të fuqishme, që përdoren për të krijuar skanime të detajuara MRI, tërhoqën bërthamën metalike të lodrës silikoni përmes rektumit të pacientit dhe deri në kafazin e kraharorit me "shpejtësinë e zërit". Pacienti thuhet se kishte blerë lodrën seksuale duke besuar se ishte "100 për qind silikoni", i cili – megjithëse ende nuk është i këshillueshëm të përdoret gjatë një skanimi – do të ishte i sigurt për t’u ekspozuar ndaj energjisë magnetike. Megjithatë, ajo që pacienti nuk e dinte ishte se lodra kishte një "bërthamë metalike" që reagoi ndaj këtyre forcave magnetike.