Tetë ndeshje spektakulare patëm mundësinë t’i përcjellim së bashku mbrëmë në platformën numër një në vend Artmotion, mirëpo mrekullia e kampionëve nuk ndalet me aq dhe sonte na vijnë edhe plot tetë ndeshje të tjera nga grupet E, F, G dhe H.
Vëmendja kryesore do të jetë tek ndeshja mes Manchester United dhe Atalantës që do të transmetohet edhe në Klan Kosova përveç kanaleve të Art Sport, teksa në “Old Trafford” vendasit duhet të marrin patjetër fitoren për të qenë të qetë në vazhdim, kjo sepse nga dy duelet e para kanë vetëm tre pikë.
Dy prej ndeshjeve do të fillojnë në ora 18:45. Barcelona në këtë orar pret Dinamo Kyiv me shpresën për pikët e para sezonale derisa ndeshja do të transmetohet në Art Sport 2 me komentator Lirim Pecin. Në Art Sport 3 nga po i njëjti orar do të jetë sfida mes Salzburg dhe Wolfsburg e cila do të komentohet nga Valon Krasniqi.
Gjashtë duelet e tjera janë të rezervuara për orarin 21:00 ku do të ketë spektakël dhe atraktivitet.
Në Art Sport 1 dhe Klan Kosova, siç e thamë dhe më lart, vjen dueli Manchester United – Atalanta ndeshje kjo që do të komentohet nga Arlind Sadiku, kurse Art Sport 2 është i rezervuar për përballjen mes Benfica dhe Bayern Munich të cilat udhëheqin me pikë në grupin e tyre. Avni Tifeku do të jetë komentator i kësaj ndeshje.
Në Art Sport 3 do të keni mundësi të ndiqni kampionët në fuqi Chelsea të cilët do të duelojnë kundër Malmos në kuadër të grupit H. Këtë përballje do ta komentojë Naim Selmani, teksa nga po i njëjti grup në Art Sport 4 do të vijë dueli mes Zenit dhe Juventus që do të komentohet nga Andi Shabani.
Për fund, por jo më pak të rëndësishmet, janë edhe dy ndeshje të tjera interesante.
Në Art Sport 5 nën komentimin e Arbon Flugajt vjen dueli mes kampionëve francez Lille dhe skuadrës së famshme spanjolle Sevilla, kurse në Art Sport 6 me komentator Engjëll Bërbatovcin mund ta përcillni duelin Young Boys – Villarreal.
Atmosferë kampionësh dhe zgjedhje të shumta ndeshjesh në platformën numër një në vend. Mos i humbisni!
●●●
LHSHKRIMI NGA
L H
Editorial nga Klan Kosova — ndjek sport dhe zhvillimet e tjera kryesore të vendit.
