Nis parafushata zgjedhore, e me të edhe lajmet e rreme

Ka shumë lajme për zgjedhjet që mbahen pas dy muaj e gjysmë, por shumica janë të pasakta. Platforma për verifikimin e fakteve Hibrid.info, i prezantoi disa këtë të premte, duke bërë me dije se cila është kategoria më e shpeshtë e tyre, raporton Klan Kosova. Sipas hulumtuesit të fakteve në Hibrid, Festim Rizanaj, "lajmi i rremë" ka qenë kategoria e keqinformimit që ka dominuar në muajin tetor. Në bazë të analizës, del se është një aplikacion, ai që përdorët më së shumti për të keqinformuar publikun. Bëhet fjalë për TikTok-un. Por, se kush po i bën këto lajme të rreme, nuk dihet - veçse dihet krahu politik. Çdo muaj nga kjo platformë publikohen raporte për gjendjen e çrregullimit informativ. Kronikë e përgatitur nga Klan Kosova. https://www.youtube.com/watch?v=SDA295QKK50