Neymar Junior duket se shumë shpejt do të bëhet me klub të ri.
Ai pritet të largohet nga Al-Hilal pa lënë gjurmë shkaku i lëndimeve që s’e lanë rehat në asnjë moment.
Ylli brazilian është shumë afër të kthehet në vendlindjen e tij, tek klubi i fëmijërisë Santos.
Sipas të gjitha gjasave kjo pritet të ndodhë në pjesë e dytë të sezonit.
Kjo u bë e ditur nga Fabrizio Romano, gazetar dhe njëherësh ekspert i transferimeve.
Zyrtarizimi i tij, pritet të ndodh maksimalisht javën tjetër, sipas Romanos.
32 vjeçari dëshironte të rikthehej në Evropë dhe raportohet se i ishte vetë ofruar Barcelonës, por që trajneri Hansi Flick ka qenë kundër rikthimit të tij në Kataluni.
Ndërkohë, tifozët e Santosit tashmë janë duke festuar me shpresën që ëndrra e tyre do të bëhet realitet për ta parë idhullin e tyre duke e veshur edhe një herë fanellën e gjigantit brazilian.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
