Lajmet e fundit
Sot është nënshkruar një marrëveshje bashkëpunimi mes Ministrisë së Sportit dhe Komunës së Gjakovës për rinovimin e stadiumit.
Komuna pritet të ketë obligim zhvillimin e procedurave të prokurimit, punët ndërtimore si dhe mbikqyrjen teknike.
Lajmin e ka bërë të ditur ministri, Hajrulla Çeku, duke treguar së shifra e ofruar është nëntë milionë euro.
"Futbollistët dhe qytetarët e kësaj komune dhe më gjerë do të kenë stadiumin e merituar, me kushte të dinjitetshme për të zhvilluar aktivitetet sportive dhe ndjekur ndeshjet e ekipeve të preferuara", tha Çeku.
