Nënat tregojnë se çka arrijnë t’iu blejnë fëmijëve me shtesat e Qeverisë (VIDEO)

Më 26 gusht të këtij viti është bërë ekzekutimi i shtesave për fëmijë nga skema e re e Qeverisë së Kosovës. Sipas kësaj skeme, familjet që kanë deri në dy fëmijë 0-16 vjeç marrin nga 20 euro për secilin, kurse familjet që kanë 3 e më shumë fëmijë 0-16 vjeç marrin nga 30 euro për secilin. Por çka konkretisht mund të blejnë prindërit për fëmijët e tyre me këtë shumë e cila del çdo muaj në llogaritë e tyre bankare? Gazetarja e Klan Kosovës, Vesa Rama Ago, ka hapur një temë në lidhje me këto shtesa në llogarinë e saj në Tik Tok – duke pyetur nënat se çka saktësisht arrijnë t’u blejnë fëmijëve të tyre sa herë që i marrin paratë? https://www.tiktok.com/@vesaramaago/video/7436801928530545975 Në mesin e më shumë se 130 komenteve në video, shumë nëna kanë treguar se shtesat që marrin për fëmijët i ndajnë për t’u grumbulluar në mënyrë që kur të arrijnë moshën madhore, ta kenë një shumë të parave të tyre. Pati edhe nga ato nëna që treguan se pos pelenave dhe letrave të lagura, shuma që marrin për fëmijë, nuk u mjafton për produkte të tjera. “Veç 1 komplet pelena edhe asgjë tjetër, edhe nuk dalin për një muaj_, tha një nënë. Megjithatë, komentueset janë shprehur të kënaqura që Qeveria e Kosovës ka nisur t’u ndajë shtesa fëmijëve, pavarësisht shumës së vogël – pasi siç kanë shkruar ato “më mirë pak se hiç”. “E vërtetë që nuk janë shumë, por në krahasim që kemi 25 vjet liri që as 2 cent nuk na kanë dhënë këto 20 euro po duken si 200”, është shprehur një komentuese./Klankosova.tv.