Nëna bën fotosesion me pesënjakët e saj

Një nënë australiane që lindi pesënjakë në janar e ka bërë një fotosesion së bashku me pesë fëmijët e saj. Kim Tucci, i’u deshtën vetëm dy minuta që të lind katër vajzat dhe djalin e saj, transmeton Klan Kosova. Gjatë procesit të lindjes që është bërë me prerje cezariane kanë asistuar një ekip prej 50 mjekëve dhe infermierëve  e për fat të gjithë fëmijët kanë lindur të shëndosh. Mundësitë për të lindur pesënjakë të mbarësuar në mënyrë natyrale janë një në 55 milionë. “50 gishta të duarve, 50 të këmbëve, 6 rrahje zemrash në të njëjtën kohë. Trupi im luftonte beteja të rënda në mënyrë që pesë fëmijët të qëndronin të sigurt”. “Çdo gjë që kam bërë e kam bërë për ata”,  është shprehur Tucci. Në një intervistë për një emision australian, Tucci, është shprehur se trupi i saj dukej sikur po “shpërthente” në kohën kur ishte shtatzënë. Ajo më pas tregoi se mjekët i kishin thënë që ajo kishte mundësi që të shpëtonte vetëm dy fëmijë, pasi që përndryshe kishte rrezik për të dy palët si për të ashtu edhe për fëmijët. “Askush nuk mendonte që do mund të ia dilja, por unë i’a arrita”. Këta nuk janë fëmijët e parë për Tucci dhe burrin e saj, Vaughn, pasi që ata kanë edhe një djalë dhe dy vajza. Çifti janë duke mbledhur para për të blerë një furgon që do të jetë mjaftueshëm i madh për ta zënë gjithë familjen.