Lajmet e fundit
Federata e Futbollit të Kosovës ka marrë vendim që të anuloj ndeshjen e Ligës së Parë të grupit B në mes Ulpianës dhe Vllaznia Pozheranit që është luajtur në kuadër të javës së 21-të.
Sipas FFK-së, komisioni i garave ka konstatuar se ndeshja në mes Ulpianës dhe Vllaznia Pozheranit ka qenë e kurdisur, rezultati përfundimtar i të cilës ishte 3:4 në favor të mysafirëve.
“Bazuar në deklaratën e personit zyrtar të FFK-së dhe xhirimit televiziv të ndeshjes, konform nenit 97 pika F, të 1 pika E, e Rregullores Disiplinore parashihet që ‘mosangazhimi në lojë’ (lëshimi i qëllimshëm i kundërshtarit të shënoj gol pa angazhim, angazhim inert, mos dëshirë për lojë, dëmtim i ekipit të tij me qëllim), komunikimi në mes të disa lojtarëve me SMS lidhur me zhvillimin dhe rezultatin e ndeshjes si dhe të dhënat nga raportet tjera konfidenciale”.
“Bazuar në deklaratat e personave zyrtarë të FFK-së, shikimi i xhirimeve televizive të ndeshjes, analizimi i raporteve konfidenciale për rastin, u konstatua se kemi të bëjmë me kurdisjen e rezultatit të ndeshjes, andaj konform nenit 81 të Rregullores së Garave, anulohet ndeshja sipas detyrës zytare dhe kjo ndeshje regjistrohet si ndeshje e luajtur, rezultati i kësaj ndeshje nuk regjistrohet, gjegjësisht pikët dhe golat nuk regjistrohen në tabelat e klasifikimi të Ligës së Parë Grupi B”, thuhet në vendimin e FFK-së, transmeton Klankosova.tv.
FFK-ja ka inicuar procedurë disiplinore ndaj t gjithë personave të përfshirë, përkatësisht ndaj klubit të futbollit “Ulpiana”, ndaj personit zyrtar të KF Ulpianës, Meriton Isufit, ndaj lojtarëve Ridon Llugiqi, Gentian Emini e Samet Rexhepit, dhe klubit të të futbollit “Vllaznia Pozheran” dhe ndaj personit zyrtar të KF Vllaznia Pozheran, Agron Pira.
