Muji Kap me turnirin tradicional dëshmon se është pjesë e rëndësishme e kulturës sportive në Zvicër

Më 25 dhe 26 janar 2025, qyteti i Sankt Gallen ishte nikoqir i turneut tradicional të futbollit te vogël, Muji Kap, e organizuar nga KF Dardania. Ky turne, i cili çdo vit mbledh dashamirët e futbollit nga e gjithë Zvicra, edhe këtë vit rezultoi një sukses i madh dhe një moment unik për komunitetin shqiptar dhe adhuruesit e sportit. Me pjesëmarrjen e shumë të ftuarve nga media, qeveria dhe showbizi, Muji Kap Kf Dardania u shndërrua në një ngjarje që tejkalon kufijtë e futbollit. Në sallë mbizotëroi një atmosferë e zjarrtë me tribuna të mbushura plot, ndeshje emocionuese, rezultate të ngushta dhe gola spektakolarë, të cilët vazhdimisht ngritën publikun në këmbë. Një nga synimet kryesore të Muji Kap është të bashkojë komunitetin shqiptar dhe të krijojë një platformë për forcimin e lidhjeve dhe unitetit. Programi shoqërues kontribuoi shumë në këtë aspekt: me muzikë live, një grup vallesh të mrekullueshëm dhe tifozë plot pasion, salla u mbush me një atmosferë plot emocione pozitive. Në finalen dramatike, që ishte jashtëzakonisht e tensionuar, Ge Cet Diht triumfoi ndaj Roha Eagles dhe siguroi fitoren e turneut. Atmosfera fantastike dhe momentet e paharrueshme të këtij fundjave dëshmuan edhe një herë se përse Muji Kap është një pjesë kaq e rëndësishme e kulturës sportive dhe komunitare shqiptare. KF Dardania Sankt Gallen falënderon nga zemra të gjithë pjesëmarrësit, ndihmësit dhe mbështetësit dhe mezi pret që edhe Muji Kap i ardhshëm të jetë një takim i paharrueshëm për sportin, kulturën dhe bashkësinë. Ndeshja finale është transmetuar në Klan Kosova.