(Mos)ngurrimi i qytetarëve, pa Kuvend e Qeveri - zor të votohet për komunë (VIDEO)

Disa qytetarë mund të mos dalin të votojnë as të dielën e 12 tetorit, kur zgjedhin përfaqësuesit e tyre nëpër komuna. Kjo për faktin se, as pas 10 muajsh, nuk janë krijuar institucionet nga votat e tyre të dhëna në zgjedhjet nacionale të 9 shkurtit. Gëzim Qerimi, profesor në Universitetin e Prishtinës, ka thënë se për këtë ka ndikuar fushata e zbehtë që po zhvillohet. Por, njohësi i pushtetit lokal, Shkëlqim Jakupi, është i mendimit se qytetarët do të përmbahen kësaj here dhe mllefin e tyre do ta shprehin në zgjedhjet e ardhshme qendrore, kurdo që ato të mbahen. Ndonëse procesi ende nuk dihet si do të shkojë, moti të dielën e 12 tetorit pritet të jetë i ngrohtë. Sipas Besim Aliut nga Instituti Hidrometeorologjik i Kosovës, temperaturat do të jenë deri në 17 gradë Celsius. Pjesëmarrja e votuesve në zgjedhjet e 9 shkurtit ishte 46.54%, ndërsa në ato lokale më 2021, në raundin e parë ishte 43%, ndërsa në balotazh, këtë të drejtë e kishin shfrytëzuar vetëm 38%. https://www.youtube.com/watch?v=30MX8nfsh-8