Millorad Dodik mbledh urgjentisht "të tijët", u thotë se Bosnja është uzurpatore, jo shtet (VIDEO)

Presidenti i Republikës Serbe të Bosnje e Hercegovinës, mblodhi sot përfaqësuesit serbë në institucionet shtetërore të këtij vendi. Millorad Dodiku tha atyre se është hartuar një plan i errët për të ardhmen e shtetit ballkanik –multietnik . "Gjithë kjo tregon se Bosnje e Herzegovina është e panevojshme dhe se ajo të paktën duhet të ri-dizajnohet. Nëse dikush do, në rregull, por nëse jo, atëherë ne në kuadër të Ujdisë së Dejtonit, do ta dimë se si ta mbrojmë pozicionin tonë, sipas kësaj marrëveshjeje", deklaroi Dodik, ndaj të cilit nga e mërkura ka urdhër arrest nga Prokuroria në Sarajevë, për shkak të dyshimit për sulm mbi rendin kushtetues të Bosnjës. Kujtojmë se më 26 shkurt, Gjykata shtetërore e Bosnjës, në shkallën e parë  dënoi kryeserbin e këtij vendi, me një vit burgim dhe gjashtë vjet ndalesë të ushtrimit të detyrës së presidentit. Ndryshe 13 marsi shënoi ditën e dytë të diskutimit në parlamentin e entitetit RS në Banja Llukë, për Kushtetutën e re të kësaj pjese të Bosnjës. Ky dokument që nga Opozita thonë se nuk do ta votojnë, e bënë Republikën Srpska shtet në vete, teksa përbënë një nga kërcënimet më serioze të ekzistencës së shtetit që ka për kryeqytet Sarajevën. Për më shumë, ndiqeni kronikën e gazetarit, Besnik Tahiri! https://www.youtube.com/watch?v=acpX3OmEf0I