Më 28 maj del modeli i ri i Porsche 911

Porsche planifikon të bëjë revolucion në botën e veturave. Lansimi i modelit të ri hibrid parashihet të ndodh së shpejti. 911 do të jetë në treg për adhuruesit e saj. Ikona e veturave sportive e ka zbuluar edhe datën. 28 maji do ta dërgojë gjigandin gjerman të veturave në një epokë tjetër. Marka gjermane e ka zbuluar se hibridi e kalon pistën e Nordschleife për 7 minuta e 16.9 sekonda. Zëvendëspresidenti Frank Moser, tha se kjo po ndodh për herën e parë në histori. “Për herë të parë në historinë 61 vjeçare të modelit tonë ikonë, ne po instalojmë një sistem hibrid në të”, tha ai. Detajet e motorit hibrid janë ende të panjohura. Porsche ka deklaruar se synon performancën, e jo efikasitetin.