Mbështetja e qeverisë, 50 mijë euro për familjen e heroit Afrim Bunjaku (VIDEO)

Heshtja njëminutëshe e pushtetarëve, ishte për të nderuar heroin më të ri të Republikës. Kur ata nisën punën në mbledhjen e qeverisë, familjes së policit të vrarë, Afrim Bunjaku, ia ndan si mbështetje, 50 mijë euro. Për kolegët e këtij të fundit, nderim nga të gjithë, kërkoi kryeministri, Albin Kurti, për luftimin e terroristëve të dielën, që e quajti suksesin më të madh të të uniformuarve që nga pavarësia. Pos zotësisë së Policisë së Kosovës, ngjarja e para katër ditësh për kryeqeveritarin qartëson një nevojë që lidhet me brezin e nxehtë kufitar të vendit, njofton Klan Kosova. Me pjesëmarrjen e numrit dy të Listës Serbe, Milan Radojiçiq, për Kurtin u vërtetua rëndësia e pluralizmit politik te serbët, të cilët tha se duhet të çlirohen nga tutelat e Serbisë. Qëllimin e atij që është në listën e zezë amerikane e terroristëve të tjerë, e përmendi ministri i Kulturës, teksa tregoi se ata dëmtuan edhe kultin fetar, në të cilin u strehuan. https://www.youtube.com/watch?v=8t3BroGFsBY