Mathys Tel mund të largohet nga Bayerni deri në fund të këtij afati kalimtar

Sulmuesi i talentuar i Bayern Munchenit Mathys Tel, duket se ka vendosur të largohet nga klubi në afatin kalimtar të janarit. Kjo u bë e ditur nga gazetari i njohur Fabrizio Romano. Sipas Romanos, si lojtari ashtu edhe Bayern Munich po vlerësojnë me kujdes të gjitha opsionet e disponueshme në treg, duke lënë të hapur mundësinë për një transferim në javët që vijnë. Për 19-vjeçarin, një nga klubet që kanë treguar interes është edhe Chelsea. Vlera e futbollistit, sipas Transfermarkt, aktualisht qëndron në 30 milionë euro. Por, kjo shifër mund të ndryshojë në varësi të ofertave që mund të paraqiten nga klubet e interesuara, transmeton Klankosova.tv