Masakra në Ribarin e Vogël: Burri e dy bijtë iu vranë, vetë mbijetoi plagën (VIDEO)

Shemsije Vishesellës, 26 vjet më parë forcat serbe ia nxorën nga shtëpia dhe ia vranë bashkëshortin e dy djemtë, atëbotë njërin 15 e tjetrin 17 vjeçar, derisa nga serbët e plagosur në fytyrë mbeti edhe vetë ajo. Të njëjtën ditë forcat serbe në fshatin Ribar i Vogël i Lipjanit hynë të armatosur rëndë ku krahas këtyre treve, vranë edhe 22 persona të tjerë, në mesin e të cilëve ishte edhe babai e disa familjarë të Hysen Gërxhaliut. Mallin për ta, të afërmit nuk mundën ta fshehnin as të premten, kur u shënua përvjetori i 26-të. Për t’i nderuar familjarët e për t’i kujtuar të vrarët, prezent sot ishte edhe kryeministri në detyrë, Albin Kurti. Por, përkundër kësaj, ky publikisht nuk e nxori asnjë fjalë nga goja. Nga 25 personat e vrarë, 19 ishin banorë të fshatit e 6 të tjerët mysafirë. /Klankosova.tv https://www.youtube.com/watch?v=IEPAsHal-eI