Lajmet e fundit
Manchester United thuhet se është duke eksploruar një lëvizje verore për sulmuesin e Real Madridit, Vinicius Junior.
23-vjeçari ka qenë sërish në formë mbresëlënëse për skuadrën e Carlo Ancelottit gjatë sezonit 2023-24.
Ai ka shënuar 18 herë dhe ka regjistruar 10 asistime në 31 paraqitje në të gjitha garat, shkruan Sportsmole.co, transmeton Klankosova.tv.
Vinicius nënshkroi një kontratë të re në Bernabeu vetëm tetorin e kaluar deri në qershor 2027, por kohët e fundit ka pasur spekulime rreth të ardhmes së tij.
Sipas medias “Fichajes”, Man United është duke bërë presion për nënshkrimin e Vinicius, me Djajtë e Kuq që ‘ëndërrojnë’ të sigurojnë shërbimet e tij gjatë afatit kalimtar të kësaj vere.
Raporti pretendon se aksioneri i ri minoritar i klubit Sir Jim Ratcliffe është i gatshëm të bëjë “lëvizje të rëndësishme” në tregun e transferimeve në një përpjekje për të ndihmuar 20 herë kampionët e Anglisë të kthehen në lavditë e mëparshme.
Man United thuhet se është i gatshëm të thyejë rekordin e tyre të transferimit për të nënshkruar me Vinicius, me marrëveshjen që mund të arrijë deri në 170 milionë funte.
