Për herë të dytë brenda një viti, partitë politike do t’ia mësyjnë zgjedhjeve nacionale, ku edhe listat me emrat e atyre që synojnë të marrin karrigen e deputetit i kanë gati.
Lëvizja Vetëvendosje, që doli e para në zgjedhjet e 9 shkurtit, në 10-shen e parë të anëtarëve nuk është se ndërroi fort formacion.
Megjithatë, një ndryshim u bë. Ai që e mori Mitrovicën, Faton Peci, u zëvendësua me atë që nuk arriti ta fitojë Prishtinën, Hajrullah Çeku.
Më shumë lëvizje bëri Partia Demokratike e Kosovës. Ato nisën qysh me numrin dy ku Memli Krasniqit, që nuk garon hiç për zgjedhjet e 28 dhjetorit, ia zuri vendin Uran Ismailit, derisa numrin e këtij të fundit e mori Arben Mustafa.
Edhe Eliza Hoxhën e Bernard Nikajn i zëvendësuan Eman Rrahmani e Besa Kabashi-Ramaj, derisa nga i 10-ti me radhë në zgjedhjet e 9 shkurtit, Abelard Tahiri u vendos në fund të listës derisa pozita e tij në listën garuese i mbeti Kujtim Gashit.
Risia në Lidhjen Demokratike është moskandidimi i kryetarëve të komunave.
Ne vend të Gazmend Muhaxherit, Sokol Halitit e Imri Ahmetit tashti garojnë Ukë Rugova, Avdullah Hoti e Ferid Agani.
E në Alencën për Ardhmërinë e Kosovës, që këtë herë betejën politike e bën ndaras nga Nisma Socialdemokrate, janë disa prurje në top emrat e listës.
Për herë të parë në 10-shen e këtij subjekti hynë Agim Çeku, Diellza Kukaj, Gani Dreshaj e Arber Tolaj.
E ish-deputetët e Nismës në legjislaturën e nëntë, që dikur garonin me AAK-në, janë tre emrat e parë të kësaj partie.
https://www.youtube.com/watch?v=abVBxrUb6bc
●●●
GSHKRIMI NGA
G.U
Editorial nga Klan Kosova — ndjek video lajme dhe zhvillimet e tjera kryesore të vendit.
