Lirohet pas 33 viteve burgim për krimin që s’e ka bërë (FOTO)

Një ish-marinar nga SHBA ka kaluar 33 vjet në burg me akuzat për vrasje të një burri dhe dhunimin e gruas së atij. Por që një analizë e ADN-së ka dëshmuar të kundërtën, duke dokumentuar se  ai nuk është përgjegjës për kryerjen e këtij krimi. Kështu Keith Allen Harward që tani është 60 vjeçar u shpall fajtor në vitin 1982 në bazë të dëshmive të dy dëshmitarëve ku ata kishin thënë se ky iu përngjan në njeriun që kishte kryer veprën. Çelësi i dënimit nga dy ekspert ndaj  Hardward ishte ngjashmëria e kafshimit që i ishte bërë viktimës grua gjatë dhunimit. Por provat e thanë të kundërtën pas më shumë se tre dekadave. Tash Harward ka thënë se ka filluar jetën e re, por që i vjen keq që nuk i ka tashmë gjallë prindërit për ta parë se ai është i lirë dhe është shpallur i pafajshëm. “Unë nuk jam kriminel, nuk ka bërë asgjë”, ishin fjalët e para të tij në liri pas 33 viteve. Ai ka falënderuar avokatët e tij për punën që kanë bërë dhe i ka titulluar si heronj. Prej atëherë ai ka thënë se bota ka ndryshuar shumë, kompjuter, telefona celular internet e shumë çka tjetër. Ai ka treguar se prej burgosjes e mban një videokasetë që në ditët e sotme nuk hyn më në përdorim, transmeton Klan Kosova.