Librat shkollorë: Gjysmë faqe libri për masakrat në Kosovë (VIDEO)

Lufta për lirinë e Kosovës ishte e gjatë. Ajo e fundit shumë e tmerrshme, me mijëra të vrarë e masakruar. Por, në librat e historisë për maturantët kosovarë, e gjitha është e përmbledhur në vetëm 5 faqe. Ora e parë mësimore sot iu kushtua 45 martirëve në Reçak, për të cilët nxënësit nuk është se dinin edhe aq shumë. Ministria e Arsimit, u rekomandoi shkollave që orën e parë të mësimit, më 15 janar, t’ia kushtojnë masakrës së Recakut, por nga ky dikaster nuk treguan se çka do të ndërmerret për të pasuruar librat e historisë më të kaluarën e Kosovës dhe luftën e fundit. Sidoqoftë, gjatë ditës njoftuan se është themeluar Këshilli i Ekspertëve për Programe dhe Tekste Shkollore, ku përmendet edhe rishikimi i programeve mësimore e teksteve shkollore. Për më shumë detaje, ndiqni kronikën e përgatitur nga gazetari i Klan Kosovës, Kastriot Tahiri. https://www.youtube.com/watch?v=zodn10pnVUY