Lamborghini i Donald Trumpit u shit për mbi 1 milion euro

Ish-presidenti amerikan Donald Trump, njihet edhe si një nga njerëzit më të pasur në botë. Ai në vitet e 90-ta kishte qenë pronar i një supermakine, i cili u shit para disa ditësh për një çmim goxha të lartë, 1.016 milionë euro. Vetura Lamborghini, Diablo VT Roadster i vitit 1997 ishte pjesë e koleksionit të veturave të Trump. Vetëm 132 copë të kësaj serie u prodhuan në botë në atë kohë. "Bisha" e prodhuar në Itali dhe me ngjyrën (Blue Le Mans). Ishte e pajisur me një motor 5.7 litërsh V12, me 485 kuaj fuqi. “Diablo” (djalli), kishte gjithashtu logon e Donald Trump të stampuar në një pllakë në pjesën e brendshme të derës. Kjo veturë ishte e ish-presidentit amerikan deri në vitin 2002 kur ai vendosi ta shiste, ndërsa deri më sot ka ndryshuar katër pronarë, transmeton Klankosova.tv Ky Lamborghini u hodh në ankand nga shtëpia e ankandeve Barrett-Jackson.