Kumbulla me shokë e ‘shokojnë’ Realin

Real Madridi është mposhtur në udhëtim nga Espanyoli i Marash Kumbullës me rezultat minimal prej 1-0. “Mbretërit” shënuan në pjesën e parë me anë të Viniciusit por që goli u anulua për pozitë jashtë loje në minutën e 20-të të takimit. Pjesa e parë u mbyll pa gola, ndërsa në minutën e 51-të, Mbappe pati një shans të artë për të shënuar pas një kthimi të topit brenda zonës, por që topi goditi vetëm shtyllën. Shtyllën e goditi edhe Rodrygo në minutën e 76-të, Espanyoli shënoi pas një kundërsulmi fantastik në minutën e 85-të ndeshjes, njofton Klankosova.tv. Reali sulmoi deri në fund por që nuk arritën që ta barazonin rezultatin. Me këtë fitore, Espanyoli ik nga zona e rrezikshme dhe pozicionohet në vendin e 17-të me 23 pikë, kurse Reali gjendet në vendin e parë me 49 pikë, një më shumë se Atletico Madridi dhe shtatë më shumë se Barcelona e cila luan nesër.