Kukullat me ngjyrë shiten më lirë se të bardhat

  Marka e njohur për lodra të fëmijëve, Tesco, është kritikuar për racizëm. Kjo sepse kukullat me ngjyrë i ka shitur rreth 20 dollarë më lirë se sa ato të bardhat, transmeton Klan Kosova. Të dy kukullat kanë madhësi të njëjtë, veshje, e mimikë të njëjtë. Por ngjyra e trupit të tyre dallon, kështu që Tesco ka vlerësuar që duhet të shiten me çmime të ndryshme. Përfaqësuesit e kësaj marke janë shprehur, që kjo gjë ka ndodhur rastësisht, por sidoqoftë ky nuk është i vetmi dyqan ku ka këso lloj dallimesh. Edhe marka Toys R Us, ka bërë dallime në mes të kukullave me ngjyrë dhe ato të bardhave. Përderisa kukullat e bardha janë shitur me 9.99 euro, një kukull tjetër identike me të por me ngjyrë është shitur për 6.99 euro.