Kryetrajneri i FC Prishtinës: Jam këtu për të bërë Evropën

Kryetrajneri i FC Prishtinës, Jean Michel Cavalli, ka folur për eksperiencën e tij si pjesë e klubit prishtinas.

Në një intervistë  që realizoi për prestigjiozen franceze L'E'quipe thuhet se ai erdhi në FC Prishtina për ta çuar ekipin drejt suksesit në arenën evropiane.

"Jam këtu për të bërë Evropën", thotë Cavalli, duke nënvizuar dëshirën e tij për të çuar klubin në kompeticionet ndërkombëtare.

"Fc Prishtina , e cila operon me një buxhet prej 2 milion eurosh dhe ka një skuadër me shtatë kombësi, është i njohur në formimin e talenteve si sulmuesi i Lille, Edon Zhegrova. Cavalli sheh potencial të madh te këta lojëtarë të rinj dhe është i vendosur të ndajë përvojën e tij të gjerë me ta, duke i ndihmuar të rriten si individë dhe si ekip".

"Pasioni i tij për futbollin, dashuria për aventura dhe përkushtimi për të ndihmuar në zhvillimin e lojëtarëve të rinj e bën Cavalli-n një figurë të veçantë në botën e futbollit", thuhet në artikullin e L'E'quipe. /Klankosova.tv