Kryebashkiaku meksikan martohet me një krokodil çdo vit

Një qytezë në Meksiko ka një grua të parë shumë ndryshe nga vendet tjera. Joel Vazquez Rojas, që është kryetari i qytezës San Pedor Huamelula lidhi kurorë me princeshën krokodil të quajtur Maria Isabel. Martesa u zhvillua në një ceremoni tradicionale  ku qindra banorë ishin pjesëmarrës dhe brohoritën e festuan. Ceremonia vjetore ka për qëllim të sjellë shumë peshqi, karkaleca dhe prodhime të detit për peshkatarët e shumtë që jetojnë në qytetin bregdetar. Për nusen krokodil ishte ditë shumë  e ngarkuar pasi ajo jo vetëm që sfiloi me fustanin e saj të nusërisë ku gojën e kishte të mbyllur me ngjitës por nusja edhe u pagëzua para se të nisnin festimet, transmeton Klan Kosova. Ceremonia ndodh çdo vit dhe kryetari i qytezës madje shkëmben edhe zotime me zvarranikun që kurorëzohet si bashkëshortja e tij. Dhe si të gjitha ceremonitë e dasmës, nuk mungoi as vallëzimi. Krokodili të cilit i’u ndryshua veshja u mbajt në duar nga bashkëshorti i saj për të kërcyer. Nuk bëhet e ditur se çfarë ka ndodhur me nusen krokodil nga viti i kaluar ose se si nusja e përzgjedhur këtë vit mundi zonjat e tjera që ishin në pritje.