Krimet e luftës: Për një vit, tre serbë u shpallën fajtorë, një u lirua - asnjë dënim maksimal (VIDEO)

Të akuzuarve për krime lufte ndaj shqiptarëve në Kosovë, në rastet e fundit po u ulet dënimi. Asnjë proces gjyqësor në vend nuk përfundoi me dënimin maksimal për fajtorët. Monitoruesit e këtyre gjykimeve po thonë se një nga faktorët që po ndikon në raste të tilla janë dëshmitarët. Gjatë vitit të kaluar, në shkallë të parë vetëm tre serbë me prezencë janë dënuar me 15 vjet burg, Zoran Vukotiq, Zhivojin Nesiq dhe Millosh Pleskoviq. Po kaq vjet u dënuan edhe tre të tjerë, por në mungesë, një u lirua krejt, derisa katër të tjerë, mes 10 e 5 vite burg. Më poshtë mund ta ndiqni kronikën e përgatitur nga gazetarja e Klan Kosovës, Qëndresa Tërshani. https://www.youtube.com/watch?v=U5Oh4EOvIB4