Lajmet e fundit
Katër persona kanë humbur jetën dhe 10 të tjerë janë zhdukur pas stuhive që goditën Kinën jugore, transmeton Klankosova.tv
Qeveria kineze ka lëshuar paralajmërim se reshjet e dendura te shiut do të vazhdojnë në jug të vendit dhe ka evakuuar më shumë se 100,000 njerëz.
Shirat e rrëmbyeshëm kanë bërë që lumenjtë Guangdong të dalin nga shtrati, dhe deri më tani nga kjo provincë që nga fillimi i reshjeve janë zhvendosur rreth 110 mijë banorë.
“Ju lutemi, merrni masa paraprake dhe qëndroni larg zonave të rrezikshme, siç janë zonat e ulëta të prirura ndaj përmbytjeve”, bënë thirrje autoritetet në qytetin bregdetar të Shenzhen.
Vitet e fundit Kina është goditur nga përmbytje të rënda, thatësira si dhe temperatura të nxehta rekord.
