Lajmet e fundit
Bateria është një tjetër segment që mund të mos e konsiderojmë si prioritet kur zgjedhim një smartphone të ri në fillim, por sigurisht që kontribuon në cilësinë e përvojës së përdoruesit. Galaxy S23 Ultra është i pajisur me një bateri të fuqishme 5000 mAh që garanton orë e orë të tëra përdorimi. Dhe kur është koha për të karikuar, me karikuesin 45 W smartphone-i juaj do karikohet deri në 65% të kapacitetit të baterisë në vetëm 30 minuta.
Kamera
Pjesa e pasme e Galaxy S23 Ultra është e kompletuar me pesë kamera shumë funksionale, të cilat, me shumë mbështetje softuerike dhe zgjidhje AI, ju mundësojnë të kapni foto të shkëlqyera në mjedise të ndryshme. Kamera Ultra Wide 12MP ofron një fushë shikimi deri në 120˚, e cila është e përkryer për shkrepje me kënd të gjerë, qofshin ato foto në grup ose subjekt panoramik. Ekzistojnë gjithashtu dy kamera Telephoto me zmadhim optik 10x dhe 3x për fotografi cilësore pavarësisht distancës së objektit në fokus, një kamerë e përparme 12MP për selfie të qarta kristal dhe kamera me kënd të gjerë 200MP që përdor sensorin e ri ISOCELL HP2 të Samsung.
Kjo kamerë e fuqishme është një nga asetet kryesore të versionit të ri Galaxy S23 Ultra, madje edhe ata që nuk janë tepër të njohur me teknologjitë e sensorëve të kamerës dhe harduerit shoqërues do të mbeten të impresionuar. Gjithashtu, aftësitë e përmirësuara të "Nightography" falë sensorit më të avancuar të kamerës dhe procesori më i shpejtë i Galaxy rregullojnë dritën e ulët. Edhe video është më e qëndrueshme në dritë të ulët me OIS më të mirë dhe teknologjinë që zvogëlon zhurmën duke i mbajtur videot kinematografike.
Dizajni rezistent
Galaxy S23 Ultra i ofron të dyja - një dizajn elegant dhe të qëndrueshëm. I përforcuar me xham Corning® Gorilla® Glass Victus® 2, ky smartphone definitivisht nuk do të dëmtohet pas aksidentit të parë. Me një vlerësim IP68 të rezistencës ndaj ujit që garanton zhytje deri në 1.5 metra ujë të freskët për deri në 30 minuta, nuk do të jetë problem edhe në rast shiu. Përveç rezistencës së përkohshme ndaj ujit dhe spërkatjeve, certifikimi IP68 garanton gjithashtu mbrojtje kundër pluhurit, rërës dhe grimcave të vogla - që do të thotë se mund ta merrni Galaxy S23 Ultra me vete në shëtitje ose në natyrë.
Gjithashtu, Samsung Galaxy ka rritur përdorimin e materialeve të ricikluara nga gjashtë komponentë të brendshëm në Galaxy S22 Ultra në 12 komponentë të brendshëm dhe të jashtëm në Galaxy S23 Ultra.
Telefonat inteligjentë të serisë Galaxy S23 janë në dispozicion në Shqipëri në ngjyrat: E gjelbër, krem, vjollcë e hapur dhe e zezë e tejdukshme. Galaxy S23 Ultra do të jetë në dispozicion me një çmim të sugjeruar me pakicë prej 1,519 Eur, Galaxy S23+ me 1,299 Eur dhe Galaxy S23 me 1,029 Eur në dyqanet partnere dhe online të Samsung.
