“Kepi i Gjelbër u bë problem i shumë Kombëtareve, Argjentina e pa të ziun e ullirit përballë tyre”

Gazetari Shkumbin Pireva ka vlerësuar se ndeshjet e fundjavës së Kupës së Botës kanë dëshmuar se diferencat mes kombëtareve janë ngushtuar ndjeshëm, duke bërë që edhe skuadrat favorite të hasin vështirësi.

Sipas tij, dy ditë e fundit sollën përballje shumë interesante, ku ekipet që në letër konsideroheshin më të dobëta i vunë në vështirësi rivalët e tyre, transmeton Klankosova.tv.

“Këtë fundjavë ka pasur ndeshje shumë interesante, duke filluar prej Argjentinës me Kepin e Gjelbër, në ekip që u ka bërë probleme shumë ekipeve kombëtare. Argjentina e pa të zinjtë e ullirit deri e kaloi këtë pengesë. Edhe Franca me Paraguain e pati edhe më të vështirë”, tha Pireva në emisionin “Ora Shtatë” në Klan Kosova.

Ai shtoi se ky Botëror po konfirmon se emrat e mëdhenj nuk e kanë të garantuar fitoren.

“E kemi thënë që nga fillimi se gara sa vjen e bëhet më e vështirë. Nëse në letër një ndeshje duket e lehtë, në fushë nuk është”, u shpreh ai.