Këngët që nuk mund të harrohen

Kohët ndryshojnë, por disa këngë mbesin të dashura vazhdimisht. Ato dëgjohen edhe sot, ndonëse janë kompozuar para shumë dekadash. Artistja kosovare Nexhmije Pagarusha në vitin 1969 e kishte kënduar për herë të parë këngën “Baresha”, e cila që nga atëherë është shndërruar në njërën ndër këngët më të njohura shqiptare të shekullit 20. Në skenën muzikore prezent që 50 vjet është edhe këngëtari Sabri Fejzullahu, i cili ka kënduar hitin “Shiu në Prishtinë”. Edhe kënga “Xhamadani vija, vija”, e krijuar në vitin 1991. mbetet njëra ndër hitet më të mëdha të këngëtares Shkurte Fejza. Ajo ka 40 vjet në skenën muzikore shqiptare.  Kënga kurbetçare “Poçari”, e kënduar nga Ilir Shaqiri, është njëra ndër më të preferuarat e shqiptarëve që jetojnë larg atdheut. Kënga e Adelina Ismajlit “Sajzeza” dëgjohet edhe sot. Kjo këngë ishte krijuar 19 vjet më parë në bashkëpunimin me grupin “Elita 5”. Kurse “A vritet pafajësia” e Leonora Jakupit, e kënduar në vitin 1998, konsiderohet si sinonim me kohën e luftës në Kosovë.