Incidenti në Pejë: Zbraz kallashin në ajër pasi nuk u lejua të parkohej te një biznes privat (VIDEO)

Të shtënat me armë zjarri në Qyshk të Pejës, paraditen e së mërkurës, dyshohet se ndodhën veç për një parking brenda hapësirës së një biznesi privat. Siç mëson Klan Kosova, kjo ka ndodhur pasi të dyshuarit i është kërkuar nga kompania ta parkojë veturën më mirë. Pas kësaj situate, i njëjti është kthyer më motor në parking, ku me vete ka pasur edhe armën AK47 me të cilën ka shtënë në ajër. I dyshuari, para se gjuante me armë pas kërkesës që mori nga drejtuesit e biznesit, ishte i shoqëruar edhe nga një person tjetër. Ky i fundit ra fillimisht në duart e policisë, por pas intervistimit me urdhёr tё Prokurorit tё Shtetit, ёshtё liruar në procedurё tё rregullt. Gjatë nuk i shkoi as të dyshuarit kryesor, i cili u prangos mbrëmjen e së enjtes. Në vendin e incidentit u gjetën goxha prova. Klan Kosova provoi të marrë edhe një qëndrim nga biznesi para së cilit ndodhi ky incident, por të njëjtit nuk pranuan ta thonë asnjë fjalë. /Klankosova.tv https://www.youtube.com/watch?v=aeuqwgN1Uds