I'a shpëtoi jetën përdhunuesit të saj për ta dërguar në burg

Një grua ka treguar se pse i’a shpëtoi jetën përdhunuesit të saj. Susan Copestick kishte filluar një lidhje romantike me Peter Drummond në vitin 2004. Ata ishin kolegë pune, mirëpo lidhja e tyre përfundoi në vitin 2014 kur Drummond humbi punën, transmeton Klan Kosova. Por Peter, nuk hoqi dorë nga ajo. Ai vazhdonte ta bezdiste me telefonata madje edhe paraqitej në vendin e saj të punës. Megjithatë në nëntor të vitit të kaluar, ai shkoi në shtëpinë e saj duke i thënë që i nevojitet ndihmë për të mbushur disa dokumente. “Më erdhi keq për të kështu që e lash të hynte brenda”, u shpreh Copestick. Sidoçoftë ajo u shpreh se makthi filloi qysh në momentin kur e lejoi të hynte në shtëpi. Në momentin e parë, ai e kërcënoi me një thikë dhe e detyroi që të shkonte në dhomën e gjumit. Pas aktit të tmerrshëm që i’a bëri, Peter pësoi një sulm në zemër. Susan shprehet, se nuk mund ta linte të vdiste ashtu edhe pse ai e dhunoi seksualisht, kështu që telefonoi ambulancën. Por, ajo tregon se arsyja pse nuk e la të vdiqte, nuk është për arsyje humane. “Nuk mund ta lija të vdiste, pa u ndëshkuar për atë që më kishte bërë” “Kështu që telefonova ambulancën dhe policinë”, tha Susan. Tani Peter është shpall fajtor dhe do të vuaj 10 vjet burgim.