I pastrehi fitoi gjysmë milioni dollarë

Michael Engfors nga Kolorado është i pastrehë. Ai ka kaluar shumë netë në qendrën e të pastrehëve në Aspen, transmeton Klan Kosova. Pas shumë viteve në varfëri e mjerim, ai tashmë nuk ka pse të mendojë për para. Kjo sepse ai është fituesi i llotarisë në Kolorado. Drejtori i qendrës së të pastrehëve, Jeremy Kowalis tregoi se Engfords çdo ditë shpenzonte 10 dollarë për të blerë një tiketë llotarie me shpresë se fati i tij do ndryshonte. Dhe si duket Engfords kishte të drejtë – të premtën rrjedha e jetës së tij ndryshoi ai tashmë është fitues i 500 mijë dollarëve. “Është një historie e mrekullueshme që mund t’i inspiroj shumë njerëz sepse nga të gjithë njerëzit që mund ta fitonin këtë llotari prej gjysmë milioni dollarë, fitoi një person që është në qendrën e të pastrehëvë”, u shpreh Kowalis. Kurse i pyetur se si do të shpenzojë parat e fituara Engfors është shprehur se do të mundohet ta takojë vajzën e tij që nuk e ka parë tash e 20 vjet. Ai gjithashtu dëshiron shumë që t’i blejë  një palë ski.