Hitleri kishte penis shumë të vogël

Tashmë është vërtetuar se ai kishte vetëm një testikul. Mirëpo historianët tani po thonë se nazisti Adolf Hitler, jo vetëm që s’e kishte një testikul, por kishte edhe një mikro-penis. Sipas dy historianëve, Fuhrer vuante nga një sëmundje e quajtur “hypospadias”, një gjendje e cila i lë burrat me një organ gjenital tejet të vogël. Këto zbulime vijnë dy muajsh pasi një historian gjerman, nga të dhënat mjekësore të Hitler’it, ka thënë se Hitleri nuk e kishte njërin testikul. Ndërsa tani, në librin e ri për Hitlerin Hitler’s Last Day: Minute by Minute, historianët Jonathan Mayo dhe Emma Craige thonë se ai vuante edhe nga një tjetër deformim, shkruan Daily Mail, transmeton Klan Kosova. Ata thonë se Hitleri kishte dy forma të abnormalitetit gjenital: nuk e kishte njërin testikul dhe kishte një gjendje të rrallë që quhet mikro-penis. Këto dy gjendje fizike të tijat, shkojnë shumë mirë dhe i përputhen tregimit se ai kishte frikë të jashtëzakonshme që ta shihnin të zhveshur.