Historia e gjermanit që refuzoi ta bënte përshëndetjen naziste

Përshëndetja famëkeqe naziste, ishte miratuar nga Partia Naziste në vitet 1930, dhe natyrisht ishte e obligueshme për secilin qyetarë gjerman si shenjë besnikërie ndaj Fyhrerit, partisë dhe kombit të tij. August Landmesser, ishte i vetmi gjerman që kishte refuzuar të e ngriste dorën në një miting të partisë në vitin 1936 ku ishte i pranishëm edhe Hitleri, transmeton Klan Kosova. Landmesser u bashkua me Partinë Naziste në vitin 1931, dhe ishte betuar që të jetë një njeri besnik i kësaj partie. Por, ishte një betim që nuk do mund të e mbante. Sepse nuk kaluan dy vite dhe ai u dashurua shumë pas Irma Eckler. Ju mund të pyesni se çfarë  ka të keqe nëse njeri bie në dashuri dhe dëshiron që të martohet me të Por ja që rasti i Landmesser ishte ndryshe. Kjo sepse gruaja e ëndërrave të tij ishte hebreje. Kur partia e zbulojë që Landmesser është fejuar me një hebreje, e larguan menjëherë prej radhëve të tyre. Landmesser dhe Eckler vendosën që të paraqesin një kërkesë për t’u martuar në Hamburg, por bashkimi ligjor i tyre është refuzuar nga një ligj i sapo miratuar. Çifti e mirëpriti vajzën e tyre të parë, Ingrid, në tetor të vitit 1935. Kështu më 13 qershor të vitit 1936, në mitingun e organizuar nga Partia Naziste, ai i kryqëzojë duart në vend se të e bënte përshëndetjen me të cilën dalloheshin nazistët. Jeta nën frikë i’u mërzit Landmesser, kështu që ai vendosi që së bashku me familjen e tij të largohet nga Gjermania për në Danimarkë. Por ai u arrestua në kufi nën akuzat se e ka turpëruar racën e tij. Pas një viti në burg, Landmesser, u lirua për mungesë të provave dhe ishte urdhëruar që të mos ketë më asnjë kontakt me Eckler. Por ai nuk i dëgjojë urdhërat dhe dëshirat naziste, dhe e takojë prapë nënën e fëmijën e tij, kështu që ai u arrestua në vitin 1938 me tre vjet në një kamp të përqendrimit. Që nga ai moment ai i humbi kontaketet me gruan që e dashuronte, dhe nuk e pa më kurrë atë dhe vajzën e tij. Policia sekrete e shtetit më pas e ka arrestuar Eckler, e cila ishte disa muajsh shtatëzënë me vajzën e dytë të çiftit. Ajo lindi në burg, dhe menjëherë pas lindjes u dërgua në një kamp të përqendrimit. Besohet që Eckler ka vdekur në këtë kamp së bashku me 14 mijë të tjerë.