Figura e tenistit serb, Novak Gjokoviq, që gjendet në Lagjen e Epërme të Rahovecit, dyshohet se u spërkat nga tre persona me një lloj ngjyre për mure.
Të njëjtit, pas identifikimit nga organet e rendit u arrestuan, e më pas u liruan në procedurë të rregullt. Këta dyshohet se veprimin e bënë duke qenë në ndikim të alkoolit.
Madje, drejtori i Zyrës për Kosovën në Qeverinë e Serbisë, Petar Petkoviq, reagoi për ketë.
“Huliganet e Kurtit e shkatërruan sonte muralin e Novak Gjokoviqit në Rahovec. Cilado që është urrejtja e ekstremisteve, kurrë nuk do të mund t’i shkatërrojnë sukseset e kampionit serb dhe tenistit më të mirë në botë e as dashurinë e tij për Kosovën. Kur nuk e kanë të vetën, e shkatërrojnë të huajën”, shkroi Petkoviq.
Ky mural është pikturuar në mars të vitit të kaluar.
https://www.youtube.com/watch?v=hh3s-Ck6RX8
klankosova.tv
●●●
HSHKRIMI NGA
H.S
Editorial nga Klan Kosova — ndjek video lajme dhe zhvillimet e tjera kryesore të vendit.
