Google me ndërprerje të madhe në Ballkan dhe Evropën Lindore

Sot, më 4 shtator 2025, përdoruesit e Google në Ballkan dhe disa vende të Evropës Lindore u përballën me një ndërprerje të papritur të shërbimeve kryesore të kompanisë. Qindra raportime erdhën nga Bullgaria, Turqia, Greqia, Rumania, Serbia dhe Maqedonia e Veriut, ku përdoruesit nuk mund të hynin në YouTube, Google Maps, Search, Gmail dhe Google Drive. Në shumë raste shfaqej gabimi “5xx server error”, ose faqet nuk ngarkoheshin fare. Çfarë u prek më shumë? YouTube – videot nuk ngarkoheshin ose shfaqnin gabime. Google Search – pamundësi për të bërë kërkime. Google Maps – paaftësi për të gjetur vendndodhje apo rrugë. Gmail & Drive – probleme me dërgimin e emaileve dhe hapjen e dokumenteve. Gemini – raportime për ndërprerje edhe në inteligjencën artificiale të Google. Reagimi i përdoruesve Në rrjetet sociale, mijëra përdorues shpërndanë hashtaget #GoogleDown dhe #YouTubeDown, duke shprehur frustrimin për problemin. Në platformën Reddit, një përdorues nga Bullgaria shkroi: “Google dhe YouTube të vdekur edhe këtu. Nuk funksionon asgjë”. Deri në orët e para të pasdites, Google nuk ka dhënë ende një reagim zyrtar për problemet. Ajo që ka tërhequr vëmendjen është se edhe status dashboard i Google Workspace nuk tregonte incidente, ndonëse përdoruesit raportonin ndërprerje masive. Çfarë dimë deri tani? Sipas të dhënave nga Downdetector dhe mediat rajonale, ndërprerja u përqendrua në Evropën Lindore dhe Ballkan, ndërsa përdoruesit në Evropën Perëndimore raportuan pak ose aspak probleme. /Klankosova.tv