Gjumi i pasdites ndihmon trurin dhe zemrën

Gjumi i shkurtër në mes të ditës nuk është më thjesht një luks i këndshëm, por nevojë e mbështetur nga shkenca. Sipas një studimi të fundit nga Universiteti i Londrës, edhe një dremitje prej 20-30 minutash mund të ketë efekte të jashtëzakonshme në funksionimin e trurit dhe në shëndetin e zemrës. Studiuesit kanë zbuluar se gjumi i pasdites përmirëson kujtesën, përqendrimin dhe përpunimin e informacionit. Ai gjithashtu ndihmon në rikuperimin e energjisë dhe reduktimin e lodhjes mendore, duke qenë mënyrë natyrale për të "rimbushur bateritë". Për më tepër, të dhënat tregojnë se njerëzit që flenë shkurt pasdite kanë më pak gjasa të vuajnë nga tensioni i lartë dhe kanë funksion më të mirë kardiovaskular. Gjumi ndihmon në uljen e nivelit të kortizolit - hormonit të stresit - dhe mbështet qarkullimin e gjakut. Ekspertët rekomandojnë të praktikoni një "power nap" prej 20-30 minutash, në një ambient të qetë, pa dritë të fortë dhe pa zhurmë. Më shumë se kaq mund të shkaktojë ndjesinë e përgjumjes së tepruar pas zgjimit, ndaj masa është gjithçka.