Gjendja e Edoardo Bove përmirësohet, lojtari i kthjellët pasi ra pa ndjenja në fushë

Pas momenteve dramatike në ndeshjen mes Fiorentinas dhe Interit, mesfushori i kësaj të parës Edoardo Bove tani është zgjuar dhe në gjendje të kthjellët. Sipas gazetarit të Sky Sport, Gianluca Di Marzio, testet e reja priten gjatë ditës së sotme, por deri tani janë përjashtuar dëmtimet neurologjike dhe kardiake. Bove u rrëzua në fushë ende pa kaluar as një çerek ore nga fillimi i ballafaqimit të skuadrave, dhe u dërgua me urgjencë në spital, duke shkaktuar shqetësim në komunitetin e futbollit, përcjell Klankosova.tv. Gjyqtari ndaloi ndeshjen pas incidentit, duke konsideruar situatën si të papërshtatshme për vazhdimin e saj. Në lidhje me gjendjen e Boves, klubi i tij ka deklaruar në rrjetin social X: “Jemi të lumtur të njoftojmë se Edoardo është zgjuar dhe tani është i kthjellët. Do të vazhdojmë të monitorojmë gjendjen e tij dhe do të bëjmë të gjitha masat për të siguruar shërimin e tij të plotë”. Fiorentina gjithashtu shprehu mirënjohje për mbështetjen e marrë në këto momente të vështira për lojtarin.

? Arrivano nuovi aggiornamenti su Edoardo #Bove

? Il giocatore ora è sveglio e risponde alle domande. Nella giornata di oggi nuovi esami, ma sono esclusi problemi cardiologici o neurologici ▶️ https://t.co/9LLPldzGGF [@DiMarzio]#FiorentinaInter pic.twitter.com/iWGuPGXyzs — laroma24.it (@LAROMA24) December 2, 2024