Gardiani i Kombëtares së Kosovës arrin marrëveshje me skuadrën turke

Portieri i Kombëtares së Kosovës, Amir Shaipi, është pranë largimit nga Lugano pas pesë vitesh të kaluara te skuadra zvicerane. 25-vjeçari numëron 180 paraqitje me fanellën e Luganos dhe ishte pjesë e suksesit në Kupën e Zvicrës në vitin 2022, kur ekipi triumfoi ndaj St. Gallenit në finale. Pas transferimit të përhershëm të David von Ballmoos nga Lugano, gjasat për largimin e Shaipit janë rritur ndjeshëm, sidomos pasi kontrata e tij skadon verën e ardhshme. Sipas gazetarit turk Resat Can Ozbudak, portieri kosovar ka arritur marrëveshje me Amed SK, skuadër që do të garojë në Superligën e Turqisë sezonin e ardhshëm, transmeton Klankosova.tv.

ÖZEL | Amedspor, Lugano kalecisi Amir Saipi ile anlaşma sağladı! @spordepormedya pic.twitter.com/4F6mNSP3g7

— Reşat Can Özbudak (@resatcan_ozbdak) June 20, 2026

Nëse transferimi finalizohet, kjo do të jetë aventura e parë e Shaipit jashtë futbollit zviceran dhe një hap i ri në karrierën e tij.