Fushata për Prishtinën, Rama në treg, ha dardha - pi çaj e merr puthje (VIDEO)

Në treg, veçse atë të Prishtinës, ishte edhe kandidati i LDK-së, Përparim Rama. Aty, përveç që tregoi se çfarë lloj peme ka qejf e çfarë çaji pëlqen, u zotua për ndërtimin e tregjeve të reja. Ndërkohë, gjatë të shtunës, Uran Ismaili nga PDK pati një thirrje për mbështetësit e tij, siç tha ai, për të qenë pjesë aktive edhe përmes kanaleve të tjera sociale, njofton Klankosova.tv Ndërkaq, të premten mbrëma ai u takua me vullnetarët e rinj, meqë sipas Ismailit rinia është ajo që do ta sjellë ndryshimin në Prishtinë, për ta zhdukur kaosin, errësirën dhe premtimet boshe. Vizita nëpër lagje gjatë të premtes e ka realizuar edhe Hajrulla Çeko nga LVV, si në Ulpianë dhe te “Muharrem Fejza”, ku për këtë të fundit i ka listuar problemet në infrastrukturë, mirëmbajtje dhe mungesë parkingjesh. E, kandidatja e vetme grua për kryeqytetin, Besa Shahini nga PSD, në profilin e saj në Facebook ka bërë një ri-kapitullim të aktivitetit të saj sa i përket kostos së lartë të jetesës me një pagë mesatare prej 650 eurosh. Por, a mund ta bëjë Bekë Berisha Prishtinën ashtu siç po premton? Të paktën, sipas një video satirike, presidenti amerikan Donald Trump thotë se po. /Klankosova.tv https://www.youtube.com/watch?v=Gd-Ug9oeDeg