FSK-ja ndërton urën në Aqarevë (VIDEO)

Në Aqarevë të Skenderajt, Forca e Sigurisë së Kosovës ndërtoi një urë prej metali. 15 pjesëtarë të ushtrisë, të mërkurën finalizuan urën mobile “Mabey Johnson”, pasi e vjetra u doli nga përdorimi nga vërshimet e janarit. Në bashkëpunim me autoritet komunale, FSK-ja evitoi rrezikun, njofton Klan Kosova. Konstruksioni metalik 27 metra i gjatë, katër i gjerë e me kapacitet të mbajtjes deri në 80 tonë u montua për nëntë ditë nga Njësia e Inxhinierisë Ushtarake. Edhe aqarevasit ndihen me fat që ushtria kosovare u doli në ndihmë. Ura si të tillat që FSK-ja ndërtoi edhe më parë, do shfrytëzohet derisa komuna ta ndërtojë të renë, teksa më pas do të çmontohet për nevoja të tjera. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://www.youtube.com/watch?v=QU3tsyyIrUI