Fiorentina ia pamundëson Interit kreun e tabelës

Fiorentina e ka mposhtur me rezultat të thellë prej 3-0 Interin në ndeshjen e mbetur të xhiros së 14-të në Serie A. Ndeshja nisi në minutën e 15-të, aty ku ishte ndërprerë, ndërsa në pjesën e parë nuk pati gola. E, pas një ore lojë, Fiorentina kaloi në epërsi me Ranierin, kurse tetë minuta më vonë, Kean e dyfishoi rezultatin. Për t’ia dhënë vulën rezultatit final u përkujdes Kean, i cili e shënoi golin e dytë në këtë takim. Me këtë fitore, Fiorentina pozicionohet në vendin e katërt me 42 pikë, ndërsa Interi në të dytin me 51 sosh. Ndeshja ishte ndërperë për shkak kollapsimit të futbollistit të Fiorentinës, Edoardo Bove, i cili u shtri në spital pas problemeve me zemër.