Finlanda shpallet vendi më i lumtur për të tetin vit radhazi

Raporti Botëror i Lumturisë e ka renditur Finlandën si vendin më të lumtur në botë për të tetin vit radhazi, duke lënë SHBA-në dhe Britanisë e Madhe shumë prapa. John F. Helliwell, një ekonomist në Universitetin e Kolumbisë Britanike tha se të dhënat e eksperimentit të portofolit treguan se “njerëzit janë shumë më të lumtur duke jetuar aty ku mendojnë se njerëzit kujdesen për njëri-tjetrin”. Raporti i 13-të vjetor i Lumturisë Botërore, i publikuar për të shënuar Ditën Ndërkombëtare të Lumturisë të OKB-së, rendit vendet më të lumtura në botë duke u kërkuar njerëzve të vlerësojnë jetën e tyre. Finlanda përsëri zuri vendin e parë me një rezultat mesatar prej 7.736 nga 10, ndërsa Kosta Rika dhe Meksika kanë hyrë në top 10 për herë të parë, transmeton Klankosova.tv. Si Britania e Madhe ashtu edhe SHBA-ja zbritën në listë në vendin e 23-të dhe 24-të respektivisht - pozicioni më i ulët ndonjëherë për këtë të fundit. Studimi, i publikuar nga Qendra Kërkimore e Mirëqenies në Universitetin e Oksfordit, u kërkoi njerëzve të vlerësojnë jetën e tyre në një shkallë nga 0-10 - zero është jeta më e keqe e mundshme dhe 10 jeta më e mirë e mundshme. Renditja e vendeve bazohet në një mesatare trevjeçare të atyre pikëve. Top 10 janë: Finlanda Danimarka Islanda Suedia Holanda Kosta Rika Norvegjia Izraeli Luksemburgu Meksikë