Filmi me aktorin që i ngjason e frymëzon të fitojë lotari 500 mijë dollarë

Një burrë nga Michigani i ShBA-së tha se një skenë film ku luajti "personi që i ngjason", e frymëzoi atë të blinte biletën e lotarisë me gërvishtje që i dha çmimin prej 500 mijë dollarësh. Burri 26-vjeçar i kontesë Genesee u tha zyrtarëve të Lotarisë së Miçiganit se jeta imitoi artin kur bleu biletën me gërvishtje me numër 13 me fat. "Isha duke parë një film dhe personazhi kryesor fitoi shumë në një biletë lotarie. Personazhi kryesor ishte i ngjashëm me mua në pamje, kështu që e mora si shenjë për të shkuar të blejë një biletë", tha ai. Burri fatlum tha se e gërvishti biletën teksa rrinte me miqtë më vonë gjatë ditës. "Kur pashë se kisha fituar 500 mijë dollarë, nuk u besoja syve! Doja të sigurohesha që ajo që po shihja ishte e vërtetë përpara se të ndaja lajmin me miqtë e mi, kështu që shkova në banjë për të parë biletën përsëri. Sapo konfirmova atë që po shihja, thirra të dashurën time për t'i thënë asaj lajmin e mirë. Ndihem shumë i bekuar që fitova këtë shumë parash”, theksoi ai. Fituesi shtoi se paratë e tij të çmimit do të shkojnë për t'u kujdesur për fëmijët e tij dhe për të bërë pushime.