Erdogan në takimin me liderin e Hamasit, diskutoi për ndihmat në Gaza dhe "nevojën urgjente" për një armëpushim

Presidenti turk, Rexhep Tajip Erdogan, u takua me liderin më të lartë politik të organizatës Hamas, Ismail Haniyeh.

Takimi i zhvilluar të shtunën në Stamboll të Turqisë, ishte i pari që nga 7 tetori – kur Hamasi nisi sulmet ndaj Izraelit.

Erdogan gjatë takimit, diskutoi përpjekjet për të dërguar ndihma humanitare në Gaza dhe "nevoja urgjente" për një armëpushim, tha zyra e tij, raporton CNN, transmeton Klankosova.tv.

Në fillim të kësaj jave, kreu i Hamasit zhvilloi bisedime me ministrin e Jashtëm turk Hakan Fidan në Doha.