Lajmet e fundit
Mesfushori i Fiorentinës, Edoardo Bove, do të jetë i pranishëm në tribuna në Stadio Franchi për ndeshjen e së hënës kundër Udinese, për herë të parë që nga momenti kur u largua me urgjencë nga fusha pas një emergjence mjekësore gjatë ndeshjes kundër Inter më 1 dhjetor.
Në minutën e 17-të të asaj ndeshjeje, Bove u rrëzua në fushë dhe përjetoi një arrest kardiak të përkohshëm, që e detyroi ta transportonin menjëherë me ambulancë në spitalin lokal.
Pas disa testeve dhe procedurave mjekësore, atij iu vendos një defibrilator i implantuar.
Pas stabilizimit të gjendjes, Bove ka rifilluar frymëmarrjen dhe ka kaluar një periudhë rikuperimi, transmeton Klankosova.tv.
Bove vizitoi shokët e skuadrës në qendrën stërvitore Viola Park, por ndeshja e së hënës do të shënojë rikthimin e tij në Stadio Artemio Franchi, për herë të parë pas incidentit.
22-vjeçari, i huazuar nga Roma me opsion blerjeje, ka bërë një start të mirë këtë sezon, duke shënuar një gol dhe dhënë katër asistime në 14 paraqitje zyrtare për Fiorentinën.
Megjithatë, sipas rregullave të Serie A, Bove nuk mund të luajë me një defibrilator të implantuar, por spitali i ka ofruar një pajisje që mund të hiqet më vonë, duke hapur mundësinë për rikthimin e tij në fushë në të ardhmen.
